Photo by Martin Enghoff

Research Methods

Pisuussutit allannguutaat pillugit malussarniartarnerit Piffinni uummassusillit pillugit immikkut ilisimaarinnittut aalisarnerni piniarnernilu pisuussutit pillugit allattuillattaasarput, taakkuli tassaanerusarlutik piniartut aalisartullu taamatullu najugaqarfinni assigiinngitsuni ilisimaarinnittuusut.

Nunaqarfinni aqutsisut kajumissaarneqarput piffinni Avatangiisini pisuussutit pillugit Siunnersuisoqatigiinnik pilersitsisaqqullugit. Siunnersuisoqatigiit piniartunik aalisartunik aammalu avatangiisit pillugit immikkut soqutigisaqarlutillu ilisimaarinnittunit inuttaqartinneqartassapput. Siunnersuisoqatigiit nammineerlutik aalajangiiffigisassavaat, pisuussutit uummassusillit sorliit suliniuteqarnerminni malinnaaffiginiarneqassanersut.

Ilaasortat angalanerminni paasissutissanik katersisassapput, ilanngullugu pineqartut sorliit qanorlu iluaqutiginiarneqarnersut pilllugit. Qaammatit pingasukkaartumik paasissutissat katersorneqartassapput, oqaluuserineqarlutik nalilersuiffigineqassallutillu. Ingerlatsinermi periuserineqartussat aammattaaq eqqartorneqartassapput. Ingerlatsinermi iliuuseqaatit malussaatigineqarsimasullu tamarmik kommunimut ingerlateqqinneqartassapput.

Tamatuma avatangiisit pillugit immikkut ilisimasallit kajumissaarneqartassapput ilisimasaminnik soqutiginaateqarsorisaminnik taputartuuseqataasarnissamut, aamma tamatumani avatangiisit pillugit paasissutissat malussarfigisimasatik pillugit. Namminneq oqariartaasitik atorlugit, piffinnik taaguuserisatik aammalu namminerpiaq maluginiakkatik pillugit paasissutissiisarnissamut kajumissaarneqartassallutik.

Qaammatit pingasukkaartumik nallunaarusiat email-ikkut, allakkatigut ilaatigullu oqarasuaatitigut Qaasuitsup Kommuniata Aasiaat eqqaanilu allaffeqarfianut nassiunneqartassapput. Tassani paasissutissat qarasaasianut nalunaarsorneqariarlutik toqqorterneqartassapput, tamatumali kingorna internettikkut takusassiarineqartassallutik.